Vetëm pak ditë më parë kemi hyrë zyrtarisht në dimër, ku dita më e shkurtër e vitit është 21 dhjetori. Pra, sezoni më i ftohtë hapet para nesh. Pavarësisht nëse është stina juaj e preferuar apo jo, dimri është këtu dhe është koha e përsosur për t’u strukur, për t’u përkëdhelur dhe sigurisht për ta dashuruar pak më shumë. Përdoreni këtë sezon festash dhe muajt në vijim, si një mundësi për t’u rinovuar, pushuar dhe për t’i dhënë vetes pak dashuri. Më poshtë do të gjeni pesë mënyra shumë efektive për ta bërë këtë:
Kaloni pak kohë me veten në natyrë
Shkoni për një shëtitje në shi ose ecni në malet me dëborë (nëse e gjeni veten jashtë kryeqytetit). Nëse jo, një shëtitje në mal ose buzë detit do t’ju sjellë më afër natyrës dhe vetes. Lidhja me natyrën është një mënyrë e shkëlqyer për t’u rilidhur me botën tonë të brendshme dhe universin. Vini re të gjitha detajet rreth jush, dëgjoni tingujt e ambientit ku ndodheni dhe thithni ajrin e freskët. Me siguri do të ndiheni më mirë.
Provoni një recetë të re dimërore
Pavarësisht nëse e doni gatimin apo pjekjen, dimri dhe pushimet janë mundësia më e mirë për t’u dhënë pas këtij hobi. Vendoseni si synim të provoni një recetë të re çdo javë, kështu që do të zgjeroni përvojat tuaja të ngrënies dhe do të fitoni një hobi të ri.
Shijoni një spa në shtëpi me materiale që tashmë keni
Ndizni qirinj, mbushni një gotë me verën tuaj të preferuar dhe luani muzikë. Zhytuni në ujin e ngrohtë dhe lërini aromat e qirinjve tuaj të preferuar t’ju magjepsi.
Uluni rehat nën dritën e qirinjve dhe vizualizoni qëllimet dhe ëndrrat tuaja
Mund të dëgjoni njëkohësisht muzikën tuaj të preferuar dhe të reflektoni për atë që funksionon dhe çfarë nuk funksionon më në jetën tuaj, çfarë duhet ndryshuar ose rregulluar. Fikni celularin, ekranet dhe shpërqendrimet e tjera dhe thjesht lidheni thellë me veten.
Përqafoni me batanijen tuaj më të ngrohtë, pijen tuaj të preferuar të nxehtë dhe librin tuaj dhe lëreni pasdite të rrjedhë
Ndonjëherë gjithçka që i nevojitet trurit tonë është të shkëputet nga gjithçka. Nuk ka mënyrë më të mirë për ta bërë këtë sesa të lexoni një libër. / vizionplus.tv
