![](https://i0.wp.com/www.fiks.al/wp-content/uploads/2023/06/media-serbe-liburn-aliu-sulmohet-nga-serbet-ne-leposaviq-gjuhet-me-veze-e-ngjyre-te-kuqe_64882ac4c5591.png?resize=850%2C569&ssl=1)
Ministri i Infrastrukturës Liburn Aliu, i cili në orët e hershme të mëngjesit ka hyrë në ndërtesën e komunës së Leposaviqit, është larguar pas gjysmë ore dhe serbët e grumbulluar kanë hedhur ngjyrë të kuqe dhe vezë në drejtim të xhipit të ministrit, i cili më pas është përcjellë në drejtim të stacionit të policisë, saporton Kosovo-online.
Sipas medias serbe, Aliu ka shfrytëzuar momentin kur një numër i vogël njerëzish janë mbledhur para komunës dhe kanë hyrë për të vizituar kryetarin e sapoemëruar Lulzim Hetemi, i cili prej 16 ditësh nuk kishte dalë nga ndërtesa e komunës.
Ndërkohë serbët për të 16-tën ditë po protestojnë para ndërtesës së komunës në Leposaviq.
Ata po kërkojnë largimin e kryetarit dhe Njësisë Speciale nga ajo pjesë.