![](https://i0.wp.com/www.fiks.al/wp-content/uploads/2023/06/bllokohet-beogradi-protesta-serbia-kunder-dhunes-ku-kerkohet-doreheqja-e-vuciq-perhapet-edhe-ne-qytete-tjera_648e07473dd9b.png?resize=750%2C375&ssl=1)
Sot në Serbi është duke u zhvilluar protesta e shtatë me slloganin “Serbia kundër dhunës”. Protesta masive e Beogradit në të cilë kërkohet edhe dorëheqja e Aleksander Vucicit, është shoqëruar edhe me protesta të tjera përcjellëse në Kraguejvc, Novi Sad dhe Nish, shkruan N1, transmeton Express.
Një ditë para protestës së shtatë “Serbia kundër dhunës”, organizatorët vendosën të shkurtojnë ecjen.
Siç thonë ata, me kërkesë të qytetarëve për të cilët itinerari i paralajmëruar më herët ishte shumë i gjatë.
Në Beograd, është bllokuar trafiku në kryqëzimin e Mostarit në drejtim të Beogradit të Ri ashtu edhe në drejtim të Nishit, raporton një gazetar i FoNet. Fillimi i kolonës nuk duket ende as në krye të rrugës “Kneza Milosa”.