Einxhel Shkira dhe Dj Dagz janë një ndër çiftet më të dashura për publikun. Ata u njohën brenda shtëpisë së Big Brother VIP, ku nisën dhe lidhjen e tyre të dashurisë e cila vazhdoi dhe pas mbarimit të spektaklit.
E pak kohë pas daljes nga shtëpia e famshme, moderatorja dha lajmin se ishte në një pritje të ëmbël dhe tashmë ata janë prindër të një djali të cilin e kanë pagëzuar me emrin Trev.
Mirëpo edhe pse kanë kaluar rreth 6 muaj që kur ish-banorja solli në jetë vogëlushin e saj, fansat dyshojnë se ajo mund të jetë shtatzënë sërish.
Kur moderatorja ishte në pritje të ëmbël, ajo publikoi një selfie të sajën ku krahas fotos shkruante: “Hedhoww”.
Dhe këtë veprim moderatorja e bëri sërish dhe fansave të saj nuk iu ka shpëtuar ky detaj, teksa postuan disa javë më paeë një status ku shkruanin:
“Herën e fundit që the Hedhoww ishe shtatzënë. Vras mendjen cila është surpriza jote kësaj here.”
Dhe postimin e fansave, moderatorja e shpërndau në InstaStoryn e saj ku shkroi: “Lol sa mirë më njihni”- duke shtuar kështu dyshimet se fansat mund të kenë të drejtë.
E së fundmi, ajo i ngriti sërish dyshimet se është në pritje të ëmbël me komentin e saj në foton e këngëtarit Alban Ramosaj.
Teksa krahas postimit të tij ai shkruante:
“M’boni tag n’story naj gotë Gin Tonic”.
Ndërsa komenti i moderatores ishte:
“A bon nje gote me uje qe duket si GinTonic?”- e duket se refuzimi i alkoolit, ka ngritur dyshimet se Einxhel mund të jetë në pritje të fëmijës së dytë me Dj Dagz.
