Sezoni veror ka nisur dhe shumë pushues kanë zgjedhur brigjet shqiptare për të shijuar disa ditë pushime. Ndërkohë jo të gjithë kanë mundësi financiare që të bëjnë pushime verore.
Duke marrë parasysh rritjen e çmimeve dhe shpenzimet, krahasuar me rrogën që merr një familje shqiptare, jo të gjithë kanë luksin për ditë relaksi.
Një qytetar në një intervistë për emisionin Summer Cube’, është shprehur se vitin që shkoi ka bërë pushime në Spille dhe për 5 ditë ka harxhuar 2 mijë euro, ndërsa shtoi se këtë vit, në një kohë kur çmimet janë në stratosferë, nuk ka vendosur nëse do të bëjë pushime.
“Vjet i kam bërë pushimet në Spille dhe më shkuan 2 mijë euro për 5 ditë. Këtë vit është më shtrenjtë”- tha ai.
