Pak ditë më parë, Arian Mema, ish-inspektor i tatimeve, u arrestua në Pogradec pasi akuzohet se ka abuzuar dhe ngacmuar seksualisht një 25-vjeçare.
Kjo e fundit e identifikuar me inicialet M.B ka treguar se më 22 Korrik, rreth orës 10:00, Mema ka shkuar në vendin e saj të punës, një hotel në Pogradec ku ajo ishte pastruese dhe e ka ngacmuar seksualisht në tualet.
“…Arian Mema, është thirrur nga pronarët për të rregulluar dushin diellor. Ai e dinte që unë punoja aty. Mbasi rregulloi diellorin ai më ka thëne mua që: “…hajde në banjë të shikosh si nxirret uji ngrohtë nga i ftohti…”. Dhe unë kam vajtur. Në këtë moment, Ariani më ka kapur nga gjoksi, por unë i kam thënë mos më prek dhe jam larguar. Më pas nuk janë ndjerë mirë dhe më ka rënë të fikët…”
Ndërkohë që pas arrestimit Arian Mema ka nxjerrë zbuluar veten e tij në një përgjim ambiental të realizuar në ambientet e dhomave të shoqërimit në komisariatin e Pogradecit.
Në bisedën e përgjuar mes kallëzueses dhe Ardian Memës, ku i fundit i drejtohet asaj:
“…tërhiqe denoncimin, se kam familje më more në qafë do më dënojnë…”. Përveç ngacmimit seksual, e reja ka treguar Arian Mema e ka çuar me forcë në një motel dhe aty ka kryer marëdhënie seksuale.
“…nuk më kujtohet sa ka qënë data dhe muaji, por me Arjanin kam kryer dhe njëherë marrdhënie seksuale jashtë dëshirës time, i cili më ka marë në qytetin e Pogradecit dhe më ka shpënë në një motel…”
