Deputetja e LDK-së, Hykmete Bajrami, ka reaguar pas vendimit të MINT-it për refuzimin e ankesës për pezullimin e certifikatës së biznesit të Klan Kosovës.
Bajrami tha se “’patriotët’ thanë ‘në emër të kushtetutshmërisë do të mbyllet Klan Kosova’”, teksa pyeti se “për cilën Kushtetutë e kanë fjalën, atë që e ka shkelë Arbërie Nagavci?”
“Për cilën Kushtetutë e kanë fjalën? Të njëjtën që e ka shkelë Albulena Haxhiu duke hartu ligje antikushtetuese? Po koordinimi i shefes së 56 deputetëve me një terrorist si Radojeçiçi, a është në linjë me po këtë kushtetutë?”, tha Bajrami.
Tutje, ajo pyeti se a janë të njëjtit “patriotë” që e mbrojnë Martin Berishajn, që sipas saj, ka marrë miliona euro nga Gen-i në Beograd.
