Autoritetet kanë bërë identifikimin e viktimës që u gjet e pajetë poshtë urës së Djalanit në Durrës.
Bëhet fjalë për 32-vjeçaren Luljeta Preza, banuese në Sukth të Durrësit, kjo e fundit është vajza që u gjet e pajetë mëngjesin e sotëm.
Burime zyrtare të policisë thanë se dyshohet që 32-vjecarja ka humbur jetën për shkak të dëmtimeve të marra në trup, nga një mjet prerës.
Mësohet se deri më tani, në ambientet e Policisë së Durrësit, janë shoqëruar 17 shtetas të cilët dyshohet se kanë dijeni për këtë rast.
Grupi hetimor vijon hetimet e thelluara për të dokumentuar plotësisht rrethanat e këtij rasti, si dhe për të përcaktuar autorësinë e tij.
