![](https://i0.wp.com/www.fiks.al/wp-content/uploads/2023/09/rexhaj-organizatat-kriminale-qe-e-kane-terrorizuar-veriun-nuk-jane-me_64f7918588b80.jpeg?resize=850%2C478&ssl=1)
Deputeti nga radhët e Lëvizjes Vetëvendosje (LVV), Arber Rexhaj, ka thënë se veriu është pastruar nga organizatat kriminale dhe së të njëjtët tashmë janë shporrur në serbi.
“Qato dy organizata që e kanë tmerruar veriun nuk janë më. Ato janë në Serbi. Ne i kemi shpallur to terroriste”, ka deklaruar Rexhaj.
Duka folur për dialogun, ai ka deklaruar se është Kosova, ajo e cila ka bërë hapa drejt depërshkallëzimit të situatës në veri të Kosovës.
Deputeti i shumicës se është pala serbe, ajo e cila po e shkel marrëveshjet e arritura.
“Nëse keni vërejtur është një marrëveshje atje në mes kryeministrit dhe fasilituesit të dialogut për reduktimin e forcave brenda objekteve komunale. Kosova ka bërë hapa drejt deeskalimit, mirëpo nëse e keni pa kryeministren e Serbisë, duke pasur parasysh edhe marrëveshjen e Ohrit, është Serbia që nuk po e respekton. Kur flet ajo thotë se nuk po flasim për dy shtete, por për një shtet, duke aluduar që Kosova është pjesë e Serbisë”, ka deklaruar ai.
Krahas kësaj, ai ka theksuar se Kosova nuk ka negociuar me palën serbe për çështjet e brendshme të saj.
Lidhur me situatën në veri dhe mundësinë e dorëheqjes së kryetarëve të komunave atje, Rexhaj ka theksuar se nëse dorëheqjet do të ishin zgjidhja, ato do të jepeshin në kohë.
Kryeministri i Kosovës, Albin Kurti, në Forumin Strategjik të Bledit në Slloveni, gjatë fjalës së tij ka pasur një polemikë me kryeministren e Serbisë, Ana Brnabiq, pasi ajo e quajti Kosovën pjesë të Serbisë.
“Së pari duhet të them se është vendi im, nuk janë dy vende. E ashtuquajtura Republika e Kosovës nuk është vend ndërkombëtarisht i njohur, nuk është pjesë e OKB-së. Dyshoj se do të bëhet pjesë e BE-së, së paku jo derisa të ketë njohje nga vendet e BE-së”, ka thënë Brnabiq në pyetjen e bërë nga udhëheqësi i panelit në Forum tha se “të dyja vendet dëshirojnë të jenë pjesë e BE-së”.
Pas kësaj deklarate, Kurti ka thënë se Kosova ka vënë sanksione ndaj Rusisë, ndërsa Serbia as nuk po i mendon dhe nuk janë distancuar nga Millosheviqi as nga Putini.
Deklarata e Kurtit u duartrokit nga të pranishmit.