![](https://i0.wp.com/www.fiks.al/wp-content/uploads/2023/09/u-incizua-duke-tejkaluar-ne-vije-te-plote-ne-rrugen-gjilan-prishtine-ky-eshte-denimi-qe-e-pesoi-shoferi_64fb2dd892b67.png?resize=750%2C375&ssl=1)
Drejtoria rajonale e policisë në Gjilan ka gjobitur një person me gjobë në vlerë prej 150 euro, dy pikë negative dhe masën e përkohshme të ndalim vozitjes në afat prej tre muaj.
Policia ka arritur ta indentifikojë kundërvajtësin falë bashkëpunimit me qytetarë, të cilët kishin dërguar videon e tij në adresën zyrtare të policisë.
“Drejtoria rajonale e Policisë Gjilan, njësiti i komunikacionit rrugor falë bashkëpunimit me qytetarë, kanë identifikuar një kundërvajtës i cili duke drejtuar automjetin e tij në aksin rrugor Gjilan-Prishtinë në bazë të video incizimi të pranuar në E-mail adresën zyrtare, shihet duke bërë tejkalim në vijë të plotë, me të cilin veprim rrezikon pjesëmarrësit e tjerë në komunikacion dhe bie ndeshë me rregullat e komunikacionit rrugor”, thuhet në njoftimin e policisë.
Drejtoria rajonale e Policisë në Gjilan inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected] dhe numrat kundestarë:192; 03850807001. Të dhënat e juaja do të ruhen ne konfidencialitet të plotë.