![](https://i0.wp.com/www.fiks.al/wp-content/uploads/2023/09/po-e-perhapin-epidemine-e-shkaterrimit-te-ldk-se-anetari-i-hershem-i-ldk-se-tregon-pse-rruga-e-re-eshte-rruge-e-gabuar_64fb464fc40a7.jpeg?resize=850%2C567&ssl=1)
Ditë më parë kryesia e Lidhjes Demokratike të Kosovës, bashkë me bartësit e ekipeve programore qëndruan në një hotel, në Brezovisë për të të finalizuar “rrugëtimin e ri”, që sipas kësaj partie i duhet Kosovës.
Pas kësaj ngjarjeje, kreu i LDK-së, Lumir Abdixhiku tha se Programi politik i Lidhjes Demokratike të Kosovës, ‘Rruga e Re’ po merr formë.
“Gjatë dy ditëve të fundit qëndruam bashkë me bartësit e ekipeve programore për të finalizuar rrugëtimin e ri që i duhet vendit tonë. ‘Rruga e re’ shtron hapur vizionin tonë për shërimin e polarizimit shoqëror që ka ngufatur vendin tonë tash e sa kohë; projekton rikthimin në fundamentet shtetare të Republikës – ato të lirisë e jo frikës, demokracisë e jo persekutimit, integrimit euroatlantik e jo izolimit”, ka thënë mes tjerash kryetari i kësaj partie.
Por, “rruga e re” e LDK-së, nuk po gjen përkrahje në opinion dhe shoqëri. Kjo pasi partia e themeluar nga Presidenti historik dr. Ibrahim Rugova, ka lënë jashtë programit një pjesë të anëtarësisë së vjetër, të figurave që morën pjesën në themelimin e partisë.
Po ashtu, ka pasur kritika të shumta për proceset zgjedhore nëpër degë e nëndegë të partisë.
Këtë situatë për gazetën “Bota sot” e komentoi publicisti dhe njëri nga anëtarët më të hershëm të LDK-së, Skender Zogaj.
Zogaj tha se LDK e ka hapur rrugën e re qysh më 23 dhjetor të vitit 1989 dhe sipas tij kjo ushtë është është suksesi që gëzon sot populli i Kosovës.
Skender Zogaj.
“Kur është bërë një me idealet e një tradite themeltare gjithë popullorë sepse, LDK-ja e ka hap udhën e re më 23 dhjetor 1989, për çlirimin e vendit nga okupatori serb dhe për ecje drejt lirisë dhe pavarësisë së Kosovës. Ajo udhë është suksesi që gëzon sot populli i Kosovës dhe, LDK-ja në vend se të mburret me të dhe të angazhohet për ta forcuar, pastruar, pasuruar, zgjeruar, modernizuar dhe funksionalizuar në dobi të lirisë e të pavarësisë së Kosovës, bën manovrime diletanteske duke kërkuar rrugë të reja!”, ka thënë Zogaj.
Ai ka shtuar se LDK-ja ka nevojë për reformë të mirëfilltë demokratike, në frymën misionare rugoviane.
“Kjo është detyra thelbësore e LDK-së, sot më shumë se kurdoherë sepse, Kosova ndodhet në udhëkryqin historik, e kanosur të mbetet as mish as peshk!”, nënvizoi ai.
Kështu sipas tij, kryesia e LDK-së në vend të sloganeve të “pakuptimta, do të duhej ta shpëtonte partinë nga degjenerimi i skajshëm nëpër degë e nëndegë.
“Prandaj Kryesia Qendrore dhe strukturat e larta partiake të LDK-së, në vend të slloganeve të pakuptimta do të duhej ta shpëtojnë partinë nga degjenerimi i skajshëm që po ndodh nga nëndegët e deri te Kryesia qendrore, ku kanë hy viruset e rrezikshëm anti – LDK – istë, që me shumë sukses po e përhapin epideminë e shkatërrimit të LDK-s”, ka potencuar publicisti Zogaj.
Zogaj e konsideron si dëshpërues procesin zgjedhor brenda LDK-së, duke kritikuar kështu mënyrën se si zgjidhen kryesitë e degëve.
“Procesi i zgjedhjeve brenda LDK-s është dëshpërues, sepse në pjesën dërmuese zgjedhjet janë të shpifura, me lista të sajuara nga emra të njerëzve që nuk janë fare anëtar të LDK-s! Listat sajohen nga ca matrapazë që mbledhin emrat e rrethit të shokëve dhe familjarëve të tyre (nënat, motrat, gratë, nipa e mbesat…) dhe krijohet forumi që me aklamacion e kryen aktin e zgjedhjes së kryetarit dhe të kryesisë së nëndegëve. Ka raste kur nënshkrimet e personave në këto lista janë me nënshkrime false, pra që nuk i kanë nënshkruar personat e evidentuar!!! Kjo nuk është rastësi por dukuri e thellë, manifest solemn nëpër të gjitha nëndegët e degëve të LDK-s, ku për parregullsi shquhen Fushë Kosova, Ferizaj, Vushtrria, Gjilani..”, është shprehur ai.
Andaj, Zogaj thotë se “rruga e re”, këtë subjekt politik e dërgon “te përrojet”.
“Nëse kjo quhet “rrugë e re” atëherë arsyetohet edhe slogani i ri, mirëpo le ta themi hapur, kjo udhë e shpie LDK-n te përrojet. Proceset zgjedhore të srukturave partiake nga nëndegët te degët dhe Qendra, janë kushti elementar pa të cilin nuk ka udhë të qëndrueshme!
Prandaj LDK-së, duhet të bëj reformat e vërteta nga anëtari më i thjeshtë e deri të kreu. Partia e shenjtë – LDK – duhet me heq dorë nga “gratë e krehme”, dhe me u kthjellë e me ndjek “udhën e rrehme”!”, përfundoi Zogaj.