Seanca e Këshillit të Sigurimit të Kombeve të Bashkuara, e cila do të diskutojë raportin e ri gjashtëmujor të Sekretarit të Përgjithshëm të OKB-së, Antonio Guterres për punën e UNMIK-ut, pritet të mbahet më 18 tetor.
Kjo është bërë publike në planin mujor të punës së këtij organi të Organizatës Botërore.
Seanca e kaluar është mbajtur më 27 prill dhe ndërkohë ka pasur rritje të tensioneve në veri të Kosovës.
Këtë muaj, Këshilli i Sigurimit i OKB-së kryesohet nga Brazili.
