Ministri izraelit i Mbrojtjes, Yoav Gallant, ka urdhëruar një “rrethim të plotë” në Rripin e Gazës, duke shtuar se zona do të mbetet pa energji elektrike, pa ushqim dhe pa karburant, ka raportuar BBC-ja të hënën.
Izraeli kontrollon hapësirën ajrore mbi Gazën dhe vijën bregdetare dhe kufizon së çfarë mallrash lejohen të futen e të dalin nëpërmjet pikave kufitare.
Sipas BBC-së, në mënyrë të ngjashme Egjipti kontrollon se kush kalon brenda dhe jashtë kufirit të Gazës.
Të paktën 493 njerëz kanë vdekur dhe 2,651 janë plagosur në Gaza që kur Izraeli filloi të kryejë sulme ajrore në përgjigje të sulmit të papritur të Hamasit të shtunën herët në mëngjes, tha ministria palestineze e shëndetësisë.
Në anën tjetër Hamasi thotë se ka lëshuar 120 raketa drejt qyteteve jugore izraelite të Ashdod dhe Ashkelon në përgjigje të sulmeve ajrore izraelite, tha grupi militant në një deklaratë.
Mbi 1000 persona raportohet se janë vrarë nga dita e shtunë në konfliktin izraelito- palestinezë
