Ajo që ndodhi të shtunën në Izrael dhe ngjarjet që po pasojnë duket se tregojnë se situata në Lindjen e Mesme është shumë më e rrezikshme nga sa duket dhe sipas mediave dhe analistëve të sigurisë në Perendim, “diçka shumë me e madhe do të ndodhë”.
SHBA-ja ka dërguar dy aeroplanmbajtëse në Detin Mesdhe, pikërisht përballë Izraelit, i cili më shumë se një mbështetje për bombardimet në Gaza dhe luftën ndaj Hamasit duket të jetë një mesazh për Iranin dhe fuqitë e tjera rajonale.
Deri të shtunën ishte një ndër politikanët izraelitë më të akuzuar në Perëndim për autoritarizmin, korrupsionin dhe ndryshimet që do të bënte në Sistemin e Drejtësisë në vend, ndërkohë që poopulli ishte në rrugë,por tashmë Benjamin Netanyahu i ka të gjithë pas vetes dhe me këtë “erë në favor të velave të tij” duket se nuk do të mjaftohet vetëm me shkërmoqjen e Hamasit, e cila duket se do të vijë me shumë viktima dhe rrafshimin e Gazas.
Synimi i Netanyahut ka qenë dhe është Irani dhe shkaku i prezencës së aeroplanmbajtëseve amerikane në rajon është pikërisht regjimi i ajatollahëve. Vetë Netanyahu theksoi se me këtë që ndodhi, do të ndryshonin kufijtë e Lindjes së Mesme. Kështu që, diçka e madhe po ndodh.
Çfarë ka ndodhur deri në mesditë në Izrael dhe Gaza
Autoritetet në Gaza thonë se i vetmi termocentral që ka mbetur pas ndërprerjes së energjisë elektrike, së shpejti do të mbetet pa karburant ndërsa rrethimi izraelit vazhdon
Në fillim të kësaj jave, Izraeli bllokimin e energjisë elektrike, karburantit dhe ujit në Gaza
Më shumë banorë të Gazas po kërkojnë strehim në shkolla dhe spitale ndërsa sulmet ajrore izraelite vazhdojnë
Në Izrael, sirenat e sulmit ajror janë dëgjuar në veri dhe jug, me lëndime të raportuara kur raketat zbarkojnë nga Gaza
Ushtria izraelite thotë se ka grumbulluar trupa në afërsi të kufirit me Gazën, duke përfshirë 300,000 rezervistë
Numri i të vrarëve nga sulmet e fundjavës së Hamasit në Izrael ka arritur në 1200 – ndërsa më shumë se 1000 njerëz janë vrarë nga sulmet ajrore izraelite në Gaza
Në anën tjetër të vendit, Izraeli ka sulmuar territorin libanez në përgjigje të një sulmi nga milicia e Hezbollahut. /albeu.com
