Sot do të tentohet për herë të pestë konstituimi i Komisionit Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla.
Takimi i deputetëve do të mbahet në ora 13:00, në tentativë për ta krijuar Komisionin hetimor për dyshimet për keqpërdorim me rezervat shtetërore.
Iniciuesi për themelimin e këtij komisioni është shefi i grupit parlamentar të Lidhjes Demokratike të Kosovës, Arben Gashi.
Ai kishte thënë kohë më parë që duhet të zbardhen të gjitha dyshimet për keqpërdorime me rezerva shtetërore nga Ministrisë së Industrisë, Tregtisë dhe Ndërmarrësisë.
