Ky është muaji në të cilin vjeshta vjen me të vërtetë: për t’u përshtatur me klimën gjithnjë e më të ftohtë dhe të zymtë të nëntorit 2023, keni nevojë për “një guidë”. Si të visheni çdo ditë, pa humbur elegancën? Mes shiut të nëntorit dhe ditëve të gjata në zyrë, lodhja natyrale e periudhës për shkak të ndryshimit të kohës mund të rezultojë fatale për pamjen.
Ja cilat janë idetë më të kërkuara që ju lejojnë jo vetëm ta përballoni me sukses motin e ftohtë të stinës, por edhe të kryeni me stil detyrat e përditshme. Falë gjërave praktike dhe të domosdoshme të modës të domosdoshme, nuancave të ngjyrave dhe shtresave që nuk kërkojnë shumë përpjekje.
Koha e palltos
Si të visheni në nëntor 2023? Nga të gjitha përgjigjet, më e menjëhershme është: me pallto. Në këtë periudhë të vitit, nxjerrja në pah e palltos është një domosdoshmëri. Për ato që ende nuk e kanë gjetur modelin e duhur, tendencat flasin qartë: palltoja më e gjithanshme është një përzierje e stilit mashkullor me atë femëror, me një prerje të drejtë dhe një prekje country që shkon me gjithçka.
Ideale do të ishte një pallto e mbyllur, ose një pallto me jakë , për të shmangur, të paktën për momentin, përdorimin e një shalli. Elegante dhe casual së bashku.
Një ide veshjesh: duke filluar nga golfi
Një model i hollë golfi prej kashmiri, ose një triko e hollë leshi me thurje është ideale për të kompozuar veshjen me disa shtresa. Në varësi të trashësisë vishet ose me xhaketë lëkurë ose direkt nën pallto. Kombinimi më i rafinuar në vjeshtë, për të gjitha moshat: fundi midi prej pëlhure gjysmë të ngurtë dhe çizmet deri tek gjuri. Dhe vëmendje maksimale tek aksesorët, qershia mbi tortë, të cilat duhet të jenë të dukshme dhe në një ngjyrë kontrastuese, si e kuqja apo bordo.
Ngjyra e muajit: e gjitha bezhë si kjo nuancë
Nuanca e lehtë e frymëzuar nga vendet e ftohta mund të jetë perfekte për pamjet ndriçuese të sezonit të ftohtë. Neutrale, por më e ngrohtë se bezha, kjo ngjyrë kënaq të gjitha shijet, madje edhe ato më skeptiket kur bëhet fjalë për ngjyrat. Për ta stiluar veshjen në mënyrë perfekte, mjafton ta përzieni me tone të tjera të ngjashme kafe, pa harruar ngjyrat bazike të bardha dhe të zeza.
Minifund vjeshte
Minifundi vazhdon të jetë i pëlqyer edhe në nëntor 2023. Por si të visheni në vjeshtë dhe dimër me këtë pjesë që mbulon pak dhe zbulon shumë? Para së gjithash, getat janë një trend sot dhe jo një tabu. Pra, vazhdoni me geta shumë të tejdukshme dhe me minifundin: e vetmja masë paraprake është që ai të jetë vërtet i shkurtër, për të zgjatur figurën. Një palë çizme biker trendi dhe një xhaketë me stil kolegji dhe ja ku u arrit veshja e përshtatshme për ditën dhe mbrëmjen.
Të domosdoshmet: çizmet e shiut
Shiu nuk mund të zgjasë përgjithmonë – thonë Guns N’ Roses në hitin e tyre të famshëm muzikor. Në nëntor, megjithatë, mund të zgjasë shumë, të jetë shi i papritur dhe i rrëmbyer dhe e vetmja mënyrë për “të fituar” kundër tij është të vishni një palë çizme shiu./Living/
