Këngëtari i njohur, Altin Shira, është përlotur dje teksa ishte i ftuar në emisionin “S’e Luan Topi”, ku ka folur për bashkëshorten dhe fëmijët.
Surpriza e gruas e kapi në befasi këngëtarin, i cili më pas tregoi se si janë njohur dhe për familjen që krijuan.
Shira zbuloi se ka qenë 22 vjeç kur është dashuruar me bashkëshorten, e cila është në një moshë me të.
“Ishim të rinj, por kur ta bën zemra bam…”, thotë këngëtari i njohur.
Pjesë nga intervista:
Erjona Rudi: Po si ta bëri zemra ‘bam’, na i trego i çik si u njohët.
Altin Shira: Të them të drejtën, kur unë isha ushtar prindërit e mi ndërruan shtëpi. Kur mbarova ushtrinë, sepse atëherë nuk na jepnin leje, shkoj në lagjen e vjetër për të takuar shokët me të cilët isha rritur dhe më pas nisem për te shtëpia e re. Shikoj, nuk njihja njeri aty. Eksplorova pak, nja 6 muaj vija vërdallë, rrija aty dhe shikoj Edën. Ajo ishte fqinje dhe thash ‘ahh moj komshije’.
Erjona Rusi: Po pse, kot janë bërë këngë për komshijet. Po hë, ishte dashuri me shikim të parë?
Altin Shira: Po, po patjetër.
Erjona Rusi: Po për Edën? Ishte dashuri me shikim të parë apo u desh pak kohë që t’ia fitoje zemrën?
Altin Shira: Jo, u desh pak kohë që t’i fitoja zemrën.
Erjona Rusi: Po si ja fitove?
Altin Shira: Po rrija poshtë pallatit aty, prapë poshtë dritares unë.
Erjona Rusi: Ti këndoje?
Altin Shira: Vazhdoja unë, aty me orë të tëra. Kur e mora vesh më mbrapa, Eda dëgjonte Michael Jackson, as nuk i pëlqente këngët e mija fare.
Erjona Rusi: Po, pse çfarë i këndoje asaj?
Altin Shira: Unë në atë kohë këndoja këngë korçare, serenata. Por me kitarë ato shkonin bukur.
Erjona Rusi: Serenata korçare, hajde hajde…
Altin Shira: Po ajo korçare është.
Erjona Rusi: Po kur me zërin tënd dhe këngët e tua nuk ra në dashuri, si ja fitove zemrën atëherë? Apo ishte djalë serioz?
Altin Shira: Jo. Si çdo familje shqiptare që ka ato traditat, rregullat e veta. Unë vërtet e shikoja dhe më pëlqente Eda, por punët i bëra me familjen.
Erjona Rusi: Pra i bëre gjërat serioze me familjen? Kërkove dorën?
Altin Shira: Po, fola me prindërit dhe u thash që më pëlqen kjo vajza, e kemi komshie këtu afër. Më thanë ‘ouu, sa shpejt e gjete’.
Altin Shira: Jam në rregull sepse as nuk qava, as…
Erjona Rusi: Po pse po të qash, çfarë? Ku ka më bukur sesa një burrë që qanë për gruan?
Altin Shira: Në një intervistë që kam dhënë diku tjetër, më ngacmojnë disa shokët e mi. Aty doli Eda për të më përshëndetur dhe të them të drejtën u preka. Mu mbushën sytë me lot. Sa kam hapur telefonin, filluan të më ngacmonin shokët: ‘Po ça burri je? Po ku qan burri për gruan?” Por është më se normale që çdo njeri të emocionohet si për fëmijët, edhe për gruan sepse tek e fundit familja është shpirti dhe zemra e çdo njeriu.
Erjona Rusi: Ndihesh me fat besoj që e ke për krah?
Altin Shira: Shumë me fat, kam një familje të mrekullueshme.
