Mungesa e gjumit nuk na bën vetëm të ndihemi të lodhur. Mund të minojë funksionimin tonë emocional, të zvogëlojë disponimin tonë pozitiv dhe të na bëjë të shfaqim simptoma ankthi.
Këto janë gjetjet e një studimi të publikuar nga American Psychological Association në revistën “Psychological Bulletin”.
Ekipi hulumtues, i udhëhequr nga Kara Palmer nga Universiteti Shtetëror i Montana, analizoi të dhënat nga 154 studime që përfshinin pesë dekada me gjithsej 5,715 pjesëmarrës.
Në të gjitha studimet, studiuesit prishën gjumin e pjesëmarrësve për një ose më shumë netë. Në disa eksperimente pjesëmarrësit qëndruan zgjuar për një periudhë të gjatë kohore, në të tjera u lejohej gjumë më pak se zakonisht, dhe në një kategori të tretë ata zgjoheshin periodikisht gjatë gjithë natës.
Siç u zbulua, humbja e gjumit çoi në të gjitha rastet në më pak emocione pozitive (si gëzimi, lumturia dhe kënaqësia), si dhe simptoma të rritura të ankthit, të tilla si rrahje të shpejta të zemrës dhe rritje të shqetësimit.
Sipas studiuesve, kërkimet e ardhshme duhet të përfshijnë një mostër më të madhe të moshës për të kuptuar më mirë se si privimi i gjumit ndikon te njerëzit në mosha të ndryshme./vizionplus.tv
