Deputeti i Partisë Demokratike të Kosovës, Bekim Haxhiu, ka reaguar ndaj shtrenjtimit të faturave të eneegjisë elektrike.
Sipas Haxhiut, ky shtrenjtim ka për qëllim funksionalizimin e Elektroseverit në veri të vendit, teksa reagimin e qytetarëve e konsideron të drejtë.
Postimi i plotë i tij:
Fakturat e fryra të energjisë elektrike kanë një prapavi- funksionalizimin e Elektroseverit në Veri, nga Albin Kurti.
Shqetësimi i qytetarëve të Kosovës për shtrenjtimin e energjisë elektrike është i kuptueshëm në këtë krizë që e ka kapluar vendin.
Qeveria duke ju dhënë lëmoshë nga 100 euro disa kategorive, nuk mund t’i arsyetojë hajnitë në faktura të rrymës.
Qeverisë nuk i mjaftoi vjedhja e buxhetit të shtetit, e rezervae shtetërore, e tash po i vjedhin qytetarët në xhep, duke shtrenjtuar fakturat e rrymës për interesa të oligarkëve dhe të mafias energjetike në krye me Martin Berishën dhe hajnat e tjerë të emëruar nga Qeveria në ZRrE.
Po ua dëshmoj këtë rritje enorme të rrymës për tre muajt e fundit që kam paguar personalisht:
Tetor – 47 euro
Nëntor -84 euro
Dhjetor – 357 euro
Kjo është Qeveria e “shpresës” që ua zë kafshatën në fyt qytetarëve edhe gjatë festave.
