Arben Latifaj, aktori i cili mbahet mend nga të gjithë shqiptarët për rolin e Tilit në filmin “Shoku Ynë Tili”, ka rrëfyer jetën e tij në emisionin “Vizioni i Pasdites” të moderuar nga Brikena Prifti në Vizion Plus.
Latifaj i cili sot jeton në Gjermani, ka luajtur në dy filma që sot kanë mbetur në mendjen e gjithë shqiptarëve siç ishte filmi “Shoku Ynë Tili” dhe “Lundrimi i Parë”.
I pyetur nga moderatorja Brikena Prifti se si u bë pjesë e filmit, ai theksoi se regjisorët e kishin zgjedhur aps dy kinoprovash.
“Isha ke “Vasil Shanto” në shkollë, erdhi regjisori i tha drejtoresha ky është një nga ata që luan teatër. Bëra dy kinoprova dhe fitova. Te filmi “Lundrimi i Parë” kam kujtime më të bukura”, u shpreh Latifaj.
Sa i përket pyetjes se kush është kujtimi më i bukur në xhirimin e filmave, Latifaj theksoi mban mend kohën kur duhet të xhironin një fortunal në filmin “Lundrimi i Parë” dhe aty i ka zënë të gjithë deti.
“Duhet të xhironim një fortunal, më kujtohet që po villnim të gjithë se i zuri deti u krijua një situatë shumë e pazakontë”, tha Latifaj.
Sa i përket ditëve të sotme, Latifaj tha se është bërë gjysh dhe se tashmë e ka ndërtuar jetën etij në Gjermani, dhe nuk mendon të kthehet për të jetuar në Shqipëri.
/Vizionplus.tv/
