Lista Serbe ka reaguar pas zhvillimeve të sotme në veri, ku Policia e Kosovës bëri përpjekje që të ndalojë një veturë në fshatin Suhodoll në veri, por e njëjta nuk ishte ndalur dhe ka goditur një polic.
Nga Lista Serbe thanë se siguria e qytetarëve u kërcënua nga ky zhvillim.
Dënojmë fuqishëm përdorimin e sotëm të armëve të zjarrit nga policët e Kosovës në pjesën e populluar të Mitrovicës gjatë ndjekjes së një veture nëpër rrugët e qytetit, si rezultat i së cilës siguria e familjeve serbe që ishin në rrugë dhe në banesat familjare u kërcënuan drejtpërdrejt.”, thuhet në reagim.
Tutje, Lista Serbe ka pretenduar se janë shkrepur tridhjetë plumba nga policët kosovarë.
“Tridhjetë plumba të shkrepura nga policët e Kosovës përfunduan në dritaret e dhomave të fëmijëve dhe të banimit të shtëpive familjare, shkatërruan fasadat e ndërtesave dhe shkaktuan frikë e ankth te qytetarët tanë.”, thuhet më tej.
