Kryeministri Albin Kurti ka udhëtuar sot për në Mynih të Gjermanisë, ku do të marrë pjesë në Konferencën e Sigurisë.
Lajmin e ka bërë të ditur Zyra e Kryeministrit përmes një njoftimi drejtuar mediave.
“Kryeministri i Republikës së Kosovës, Albin Kurti, ka udhëtuar për në Mynih të Gjermanisë, ku do të marrë pjesë në Konferencën e Sigurisë (Munich Security Conference)”, thuhet në njoftim.
Në këtë konferencë do të marrë pjesë edhe Kryediplomatja Donika Gërvalla.
Kurti dhe Gërvalla do të qëndrojnë atje për tri ditë gjatë të cilave do të zhvillojnë takime të ndryshme.
