Vuçiq dekoron ish-ministrin malazez që refuzoi kërkesën e Kosovës për ekstradimin e serbit të akuzuar për krime lufte
Kryeministri i Serbisë, Aleksandar Vuçiq, ka dekoruar ish-ministrin malazez të Drejtësisë, Marko Kovaq, me Urdhrin e flamurit serb të shkallës së dytë me rastin e Ditës së Shtetësisë së Serbisë.
Ish-ministri Abazoviq mori këtë mirënjohje, siç u njoftua, “për meritat e tij në zhvillimin dhe konsolidimin e bashkëpunimit paqësor dhe marrëdhënieve miqësore ndërmjet Republikës së Serbisë dhe Malit të Zi”.
Arsyet e vërteta se përse urdhri i “udhëheqësit të madh të të gjithë serbëve” që nga mbrëmë i ka “zbukuruar” gjoksin Kovaçit janë krejtësisht të ndryshme.
Me këtë akt Vuçiq, me një “vonesë të vogël”, e pranoi Kovaçin për rolin e tij në vitin 2022, kur si ministër i Drejtësisë në qeverinë e Dritan Abazoviqit, mundësoi një marrëveshje mes Malit të Zi dhe Serbisë.
Marrëveshja që do t’i imponohej Malit të Zi, të cilën thesari i shenjtë malazez ia dhuroi një institucioni fetar të një vendi tjetër – Kishës së Serbisë.
Kovaq në tetor të vitit të kaluar, ka refuzuar kërkesën e Kosovës që ta ekstradoi shtetasin serb Momçilo Vukotiq (61), të akuzuar për krime lufte kundër popullatës civile.
Vukotiq ishte arrestuar në Mal të Zi dhe ndodhet në paraburgim për ekstradim.
Gjykata kishte konstatuar se plotësoheshin kushtet ligjore për ekstradim, por ministri malazias Kovaç e refuzoi kërkesën.
Gjatë javëve të fundit të po atij viti (2023), policia malazeze ka arrestuar tre persona të kërkuar nga Kosova për dyshimet se kanë kryer krime lufte kundër civilëve në vitin 1999.
Ndër fituesit e çmimeve është edhe Radomir Uljareviq, shkrimtar dhe punëtor kulturor, të cilit Vuçiq i dha Urdhrin e Lumturisë së shkallës së tretë, me shumë gjasa për “merita të veçanta në ruajtjen e identitetit kombëtar serb, veçanërisht në fushën e letërsisë”, d.m.th. vitet e tij intensive të punës duke përfshirë projektin “Bota Serbe” në Mal të Zi.
Mirënjohja “Urdhri i Meritës, shkalla e tretë” iu nda edhe docent Aleksandar Gjogo, mjek internist – endokrinolog në Qendrën Klinike të Malit të Zi, për merita të veçanta dhe suksese të arritura në shëndetësi, veçanërisht në fushën e endokrinologjisë.
