Një aksident i frikshëm ka ndodhur sot në Tiranë. Policia bën me dije se një 26-vjeçari ka humbur kontrollin e mjetit dhe është përplasur me tre makina të parkuara.
Si pasojë e aksidentit, i riu ka pësuar lëndime dhe është dërguar te Trauma, për mjekim të specializuar.
Grupi hetimor po punon për sqarimin e rrethanave të aksidentit.
Njoftimi i policisë:
Tiranë/Informacion paraprak
Më datë 22.02.2024, rreth orës 13:10, në rrugën “Ramazan Gaxherri”, shtetasi B. D., 26 vjeç, duke drejtuar mjetin tip kamion, ka humbur kontrollin mbi drejtimin e tij dhe për pasojë mjeti ka dalë nga rruga, duke dëmtuar 3 mjete të tjera të parkuara.
Shtetasi B. D., për shkak të dëmtimeve, është dërguar në spitalin e Traumës, për ndihmë mjekësore.
Grupi hetimor po punon për sqarimin e rrethanave të aksidentit.
