Amer Alija nga Fondi për të Drejtën Humanitare Kosovë (FDHK), ka thënë se jo çdokush që bastiset nga Dhomat e Specializuara të Kosovës, do të jetë edhe i akuzuar.
“Nuk do të thotë cdo kush që është bastisur është akuzuar, në të kaluarën kanë ndodhur dhjetëra bastisje, janë dëgjuar si dëshmitarë më shumë se 200 ish-pjesëtarë të UCK-së, kemi vetëm 6 pjesëtarë të akuzuar për krime lufte”, tha ai.
Alija tha Gjykata Speciale ka mandat t’i ndjekin personat që dyshohen se e pengojnë drejtësinë dhe zbulojnë informata konfidenciale.
“Dhomat e Specializuara kanë mandat, ti ndjekin personat që bëjnë pengimin e drejtësisë, ndikim te dëshmitarët, zbulim të informatave konfidenciale që janë të ndaluara të ndahen me palët e treta. Është herët të japim nj konkludim se çfarë do të ndodhë me këto bastisje”, tha ai.
Ai theksoi se Dhomat e Specializuara të Kosovës kanë mandat edhe t’i përgjojnë personat që dyshohen se mund ta pengojnë drejtësinë.
“Cdo person që ka informata apo të ketë kujdes çka deklaron për dëshmitarët, këto raste janë të ndjeshme prokuroria i ka sytë e hapur, telefonat përgjohen, personat qoftë në media apo në aktivitete të ndryshme duhet të kenë kujdes në zbulimin e informatave”, tha ai.
Ai foli për bastisjen e fundit në shtëpinë e Sylejman Selimit, duke thënë se nuk ka shumë detaje se pse ka ndodhur, për shkak se Gjykata Speciale nuk tregojnë shumë.
