Një aksident trafiku ka ndodhur para pak minutash në magjistralen Pejë-Prishtinë, saktësisht në në fshatin Gllaviqicë.
Indeksonline ka siguruar pamje, ku shihet që kamioni ka përfunduar jashtë rrugës.
Këtë e ka konfirmuar edhe zëdhëndës polici për rajonin e Pejës, Fadil Gashi, ku tregoi se tre persona kanë mbetur të lënduar.
“Rreth orës 19:05 policia është njoftuar për një aksident trafiku në magjistralen Pejë-Prishtinë, fshatin Gllaviqicë. Në aksident kanë qenë të përfshirë një kamion dhe një veturë, tre persona kanë pësuar lëndime dhe janë dërguar për trajtim mjekësor në Spitalin e Pejës. Lëndimet nuk janë serioze”, ka thënë Gashi për Indeksonline. ./Indeksonline/
