Ekspertët shëndetësorë thonë se nëse hani hurma në stomakun bosh, do të rregulloni funksionimin e zorrëve dhe do t’i jepni trurit sheqerin e nevojshëm.
Hurmat kanë vlera të larta shëndetësore dhe ushqyese, prandaj edhe njihen si ndër frutat më të shëndetshëm në planet.
Janë burim i shkëlqyeshëm i hekurit, prandaj njerëzve që vuajnë nga anemia u thuhet të hanë sa më shumë hurme. Rreth 100 gramë hurma përmbajnë rreth 0.90 miligramë hekur, që është rreth 11 për qind e konsumit të rekomanduar ditor.
Për shkak të përmbajtjes së lartë të lëndëve ushqyese, hurmat na bëjnë të ndihemi të ngopur dhe ndihmojnë në humbjen e peshës. Por bëni kujdes, sepse hurmat nuk kanë kolesterol, por kanë shumë sheqer, kështu që mund të shtoni peshë nga marrja e tepërt.
Hurmat kanë aftësinë të ulin nivelin e kolesterolit të keq LDL në trup. Kjo është arsyeja pse ky është një ushqim i shkëlqyeshëm për njerëzit me kolesterol të lartë, i cili shkakton depozita yndyrore në arterie, të cilat çojnë në formimin e mpiksjes së gjakut dhe sëmundjeve të tjera të zemrës.
Gjithashtu, për një zemër të shëndoshë vendosni hurmat në ujë gjatë tërë natës, dhe në mëngjes largoni farat dhe ujin bashkë me hurma përzieni në blender dhe konsumojeni në mëngjes. Merrni këtë ilaç natyral disa herë në ditë për të forcuar zemrën.
Hurmat janë një ushqim shumë i përshtatshëm për njerëzit që vuajnë nga presioni i lartë i gjakut. Ato përmbajnë shumë pak natrium dhe janë të pasura me kalium. Një pjesë standarde e pesë ose gjashtë hurmave jep rreth 80 miligramë magnez, një mineral thelbësor që kontribuon në zgjerimin e enëve të gjakut. Studimet tregojnë se 370 miligramë magnez në ditë mund të ulin presionin e gjakut.
