Veprimtari dhe anëtari i bordit drejtues të Ligës Qytetare Shqiptaro-Amerikane në një shkrim për gazetën “Bota sot” ka komentuar vizitën e Zëvendësit ndihmësit të sekretarit amerikan të Shtetit, Gabriel Escobar në Kosovë, si dhe deklaratat e tij në lidhje me dialogun dhe çështjen e dhënies së 24 hektarëve tokë Manastirit të Deçanit.Shala i është drejtuar z. Escobar, duke i thënë se do të ishte e kuptueshme sikur të gjitha akuzat ndaj Kosovës t’ia drejtonte Vuçiqit, apo siç e quan Gebelsit të kriminelit Millosheviq, urdhërdhënës i aktit terrorist në Banjskë.
Shala, ka theksuar po ashtu se Vuçiqi është njeriu që tallet me Evropën dhe Amerikën duke i njoftuar qoftë edhe me shkrim se nuk do të zbatojë Marrëveshjet arritura në Bruksel dhe Ohër dhe kurrë nuk do të njohë Republikën e Kosovës.
“Keni përgjigje për këtë?! Kur marrëveshjet politike shndërrohen në ato ndërkombëtare obligative duke bërë presion ndaj Gjykatës Kushtetuese, kush duhet të akuzohet në këtë rast, Arta Rama-Hajrizi, Kryetare e Gjykatës Kushtetuese, apo ish-Presidenti Hashim Thaçi?
Hafiz Shala
Sugjeroj organet shtetërore të Republikës së Kosovës që zyrtarisht t’i drejtohen Presidentit, Kongresit dhe Senatit Amerikan lidhur me veprimet e Departamentit të Shtetit dhe stafit të tij diplomatik rreth trajtimit të palëve në bisedime Kosovë-Serbi. Palët, përderisa i bëjnë lëshime shtetit kriminal Serbisë-Rusisë së vogël dhe Vuqiqit-Putinit të vogël, në anën tjetër u bëhet presion i pa parë udhëheqësve legjitimë të zgjedhur në mënyrë demokratike me mbi 50% të popullatës së përgjithshme, kurse në anën tjetër, Aleksandër Vuqiqi, organizatori, financuesi dhe përgatitësi i grupeve terroriste përmes stafit profesional ushtarak, i cili përmes kryekriminelit Millan Radojqiq kreu sulm terrorist mbi shtetin sovran duke shkaktuar viktima në policinë e Kosovës dhe siç thuhet edhe tre terroristë nga ana e Serbisë për të cilët u shpallën 3 ditë zi dhe u bënë homazhe zyrtare”, ka potencuar ai.
Shala, ka theksuar se Departamenti i Shtetit, përmes organeve të tij zyrtare, duket se mbylli sytë dhe heshti ndaj veprimeve të ambasadorëve të cilët nuk mbajnë qëndrime të njëjta kur është fjala për reagime apo insistime nga të dyja palët për të kryer obligimet e tyre.
“Sot, ndërsa shkruaj këto rreshta, në veriun e Mitrovicës, pas fillimit të vendosjes së emrave të vendeve në të dy gjuhët sipas Kushtetutës, një pjesë e tyre është ngjyrosur brenda natës nga grupe dashakeqe, duke e ngjyrosur vetëm gjuhën shqipe dhe duke e lënë atë në gjuhën serbe. Kjo tregon se serbët e veriut, nën diktatin e regjimit të kriminelit Millosheviq-Vuqiq, shprehin se nuk duan të njohin dhe të respektojnë shtetin e tyre, Republikën e Kosovës.
Jam i bindur se Vuçiqi do të kërkojë që edhe kjo çështje të futet në agjendën e dialogut. Zotëri, nëse vazhdojmë në këtë mënyrë, ky dialog, edhe pse ka dështuar për shkak të Serbisë, Evropës dhe juve, mund të diskutohet për dekada, pasi qëllimi i Serbisë është të defunkcionalizojë shtetin më të ri. Ajo dëshiron të krijojë Asociacionin pa njohje de facto”, ka theksuar ai.
Kushte të reja?
Shala ka pyetur z. Escobar, nëse Kosova duhet të pranojë kushte të reja nga Serbia, duke i bërë presion ose duke falur territore, apo të dorëzojmë institucionet fetare siç është rasti me Manastirin e Deçanit?
“Duke dhënë vendime që 24 hektarë tokë të konfiskohen për këtë manastir, pa kujdesur për pasurinë e kompanive dhe tokat private të shqiptarëve?
Z. Escobar, askush nuk është i zhgënjyer për këtë, por për cinizmin tuaj, ju bëni fotografi provokuese ndaj komunitetit shqiptar, sepse ky manastir historikisht u takon atyre. Por, njëkohësisht, duhet të vendosim vërejtje ndaj udhëheqësve shtetërorë të mëparshëm, të cilët lejuan që nën presionin dhe shantazhin e Serbisë, Evropës dhe juve, për ne shqiptarët, të bëhet një tradhti shtetërore dhe kombëtare.
Ju, me siguri, dëshironi që ata të kthehen në pushtet, madje edhe përmes komplotesh politike, siç bëri paraardhësi juaj Richard Grenell, duke rrëzuar Kryeministrin aktual për të rikthyer në pushtet. A keni parasysh se duke e sulmuar dhe anatemuar atë, po përballeni me rezistencë nga një pjesë e madhe e popullsisë. Prandaj, kërkesa ime është që organet shtetërore t’i drejtohen Ligjvënësve dhe Presidentit Biden, në mënyrë urgjente dhe domosdoshme për të shpëtuar procesin e bisedimeve të sinqerta dhe të paanshme”, ka thënë ai.
Sipas veprimtarit Shala, qendrimet e DASH-it nuk reflektojnë politikën reale të demokracisë amerikane, e cila është shpëtimtare dhe gatantuesë e sovranitetit dhe funksionimit të shtetit ligjor dhe demokratik.
“Në vend të kësaj, sjelljet tuaja duket të jenë më shumë në mënyrën makiaveliste, kur dikush përdor mjetet për të arritur qëllimet politike pa marrë parasysh vlerën morale të tyre.
Vizita e Sekretarit të Shtetit Antony Blinken ishte shumë indikative dhe paralajmëruese, sidomos për sjelljen e tij ndaj Kryeministrit Albin Kurti në Shqipëri. Megjithëse ky ishte një gabim i dukshëm dhe i dëmshëm, duke treguar një ulërimë të papërshtatshme ndaj Kurtit dhe duke përdorur Edvin Kristaq Ramën si një figurë serbe antishqiptare.
Brenda kësaj kohe, Edvin Kristaq Rama është udhëheqës i Kolonës së 5-të anti-dardane, duke u bashkuar me opozitën në përpjekjet për të marrë pushtet, edhe pse sovrani i dha një “karton të kuq”. Ka shenja të qarta të ndikimit të multimiliarderit Alex Soros në politikën e DASH-it, duke sjellë dyshime për orientimin e tij proruse dhe antishqiptar”,ka potencuar ai.
Më tej, ai rikujtoi se duke iu rezistuar vendimeve të Millosheviqit dhe duke mos pranuar përdorimin e ligjeve të tij në Kosovë, DASH-i tregon një qëndrim të rëndësishëm kundër okupimit dhe përdhunimit të shtetit.
“Kryeministri Kurti komunikon në gjuhën serbe me autoritetin e duhur, siç u vërtetua në një takim në Senatin Amerikan më 18 maj 2023. Kjo tregon aftësinë e tij për të menaxhuar dialogun në të gjitha nivelet, duke përfshirë edhe atë me delegacionin e Bosnjës dhe Hercegovinës.
Në takimin në Senatin Amerikan, senatori i bëri një pyetje të veçantë për Vuqiqin dhe ju përgjigjët pozitivisht. Megjithatë, kjo nuk mjafton për të eliminuar dyshimet e mia për korruptimin e nivelit të lartë, veçanërisht në kontekstin e njohjes së Serbisë dhe politikës së saj.
Në lidhje me njohjen dhe komunikimin në gjuhët e mia, nuk ka asgjë të keqe, por nëse ajo është në dëm të interesave të shtetit të Kosovësë, kjo është e dëmshme për DASH-in dhe për SHBA-t. Ne duhet të mbrojmë interesat tona si aleatë më të mirë të SHBA-ve dhe të mos lejojmë që Serbia të na nënshtronte për interesa afatgjata gjeopolitike”, shtoi ai.
Si shtetas i SHBA-ve, Shala u shpreh se nuk mund të lejojë që Serbia të na kontrollojë pa marrë parasysh arsyet që mund të japin për këtë.
“Nëse do të bëhej fjalë për të dhënë pjesë të territorit tonë për të përfituar për një shtet kriminal, kjo do të ishte e dëmshme dhe e papranueshme..
Kërkesat e Serbisë, veçanërisht lidhur me Asociacionin, nuk janë vetëm për të mbrojtur pakicën serbe, por kanë qëllime të tjera, siç është ndarja e veriut në një periudhë afatgjatë, e cila është e papranueshme për shumicën e popullatës tonë.
Nëse ju keni shqetësime për performancën time dhe mendoni se largimi im është në interes të DASH-it dhe Amerikës, unë e kuptoj këtë qëndrim. Në lidhje me BE-në dhe z. Lajçak, është e rëndësishme të kuptojmë zhgënjimin dhe kërkesat për zëvendësimin e tij.
Kryeministri Kurti ka deklaruar publikisht se ky dialog e favorizon Serbisë, dhe për të vazhduar dialogun në mënyrë të suksesshme, duhet të kemi zëvendësime të reja që kanë kushtet dhe politikat e barabarta për të dyja palët”, theksoi ai.
Sipas tij, sugjerimi i z. Esobar për ta drejtuar një kërkesë tek Presidenti Biden, Kongresi dhe Senati Amerikan është një hap i rëndësishëm.
“Është e rëndësishme të rregullohen praktikat e DASH-it dhe të përmbahemi standardit të drejtësisë dhe demokracisë. Kjo nuk do të thotë një luhatje ndaj Amerikës, por një përpjekje për të siguruar që politikat dhe veprimet tona përputhen me vlerat dhe interesat e SHBA-ve dhe të Kosovësë”, përfundoi ai.
