Policia e Kosovës njofton se gjatë ditës së sotme ka kryer kontrolle në dy lokacione në fshatin Cermjan të Gjakovës, ku ka sekuestruar armë dhe fishekë.
Armët dhe municioni janë sekuestruar, ndërsa me vendim të prokurorit të shtetit është iniciuar rast “mbajtje në pronësi, kontroll ose posedim të paautorizuar të armëve”.
Veprimet hetimore ndaj këtij rasti, do të vazhdojnë në procedurë të rregullt.
“Me datën 29.03.2024, në zbatim të urdhër kontrollit të lëshuar nga Gjykata, Stacioni Policor në Gjakovë, ka kryer kontrolle në dy lokacione, në vendbanimet e dy të dyshuarve (meshkuj, kosovarë të moshës madhore), në fshatin Cermjan në Gjakovë. Gjatë kontrollit në posedim të njërit prej tyre, është gjetur një armë zjarri automatike dhe një pistoletë me tetëmbëdhjetë (18) fishekë, ndërsa në vendbanimin e të dyshuarit tjetër, është gjetur një armë zjarri e gjatë dhe tre copë fishekë”, thuhet në njoftimin e policisë.
