Besimtarët myslimanë anembanë botës sot festojnë Fitër Bajramin, pas përfundimit të muajit të madhërishëm të Ramazanit.
Për rëndësinë e kësaj feste ka folur imami Enes Limani.
“Kjo festë ka vlerën e veçantë posaçërisht për ata që e kanë agjëruar muajin e bekuar të Ramazanit. Muslimani pas çdo ibadeti, i cili ka ngarkesat, i cili paraqet edhe vështirësitë e veta, në fund me siguri se e merr edhe shpërblimin. Në realitet, nuk është vetëm Bajrami, por zoti i plotfuqishëm në ditën e fundit krejt ata që kanë agjëruar, zoti i plotfuqishëm thotë “Do t’i shpërblejë siç di unë””, tha ai.
“E për këtë arsye vlera e kësaj dite ka peshë të rëndësishme, për ata që kanë agjëruar, për ata që kanë falur namaz, për ata që i kanë falur teravitë dhe në fund përfundon me “Sadaqatul Fitr”, që në realitet çdo festë islame në fund e ka karakterin e humaniteti”, theksoi imami Limani në Kosova Today
