Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik.
Një rast i tillë, i cili ka përfunduar me fatalitet, ka ndodh edhe sot pasdite në rrugën “Ibrahim Rugova”, në Lipjan.
Media mëson se rasti ka ndodh pasi shoferi i një kamioni nuk e ka respektuar shenjën stop, dhe e ka goditur veturën tjetër.
Për pasojë, shoferi i veturës ka ndërruar jetë, i cili siç mëson media është: Mustaf Llugiqi.
Media mëson po ashtu se është arrestuar edhe shoferi i dyshuar për aksidentin e shkaktuar i cili është Lirigzon Buzhala.
Arrestimin e tij ka konfirmuar edhe Policia, e cila ka njoftuar se ai është ndaluar për 48 orë.
