Nuredin Ibishi, njohës i fushës së sigurisë ka folur lidhur me sulmin e Rusisë ndaj Kosovës.
Ibishi ka deklaruar se me këto sulme mund të depërtojnë tek serverët qeveritar që paraqesin rrezik për sigurinë e vendit.
Sipas Ibishit, kjo erdhi pas deklaratës së ministrit të Mbrojtës Maqedonci për mbështetjen e Kosovës për Ukrainën.
“Ky sulm vjen pas deklaratës së ministrit të mbrojtjes në samit në Poloni, kur deklaron se do të mbështesim Ukrainën me mjete ushtarake dhe si pasoj ka pasur reagime të hakerëve rus. Kjo ka ndodh, me siguri nga sistemi i inteligjencës ruse , gjithë kjo është një sulm hibrid pa pasoja të mëdha, por realiteti është që përveç depërtimeve edhe tek serverët qeveritar që paraqesin një rrezik permanent. Ky sulm mund të vazhdoj akoma me një rrezikshmëri që mund të depërtojnë edhe tek serverët e financave, që mund të ketë pasoja tek sistemi i sigurisë”, tha Ibishi.
