Toka është goditur nga stuhia e rrallë diellore, duke krijuar aurora shumëngjyrëshe që kanë emocionuar njerëzit në të gjithë botën, nga Kalifornia, në Mbretërinë e Bashkuar, Europë dhe hemisferën veriore.
Pamjet e shfaqjes spektakolare, e njohur gjithashtu si aurora borealis, u shpërndanë gjerësisht në mediat sociale mbrëmjen e së premtes.
Rritja e aktivitetit diellor shkakton aurorat rreth poleve të Tokës, të njohura si dritat veriore, ose aurora borealis, dhe dritat jugore, ose aurora australis.
Kur grimcat me energji arrijnë fushën magnetike të Tokës, ato ndërveprojnë me gazrat në atmosferë për të ndriçuar qiellin me ngjyra të ndryshme.
Stuhia gjeomagnetike në vazhdim është tani “ekstreme”, ose niveli 5 nga 5, tha Qendra e Parashikimit të Motit Hapësinor të premten mbrëma. Kjo është stuhia e parë e nivelit G5 që nga tetori 2003.
