Asociacioni i Gazetarëve të Kosovës ka reaguar ndaj gjuhës së urrejtjes në drejtim të gazetarit Rid Berisha.
“AGK i ka përcjellur me shqetësim disa postime online që kanë targetuar gazetarin, Rid Berisha, nga KosovaLive.net.
Berisha e ka njoftuar AGK-në, se një punonjës i Bashkësisë Islame të Kosovës, ka shkruar me gjuhë të urrejtjes ndaj tij dhe ka nxitur edhe të tjera komente kundër, duke bashkuar disa foto të Berishës, duke bërë homazhe për sulmet e 7 tetorit në Izrael”, thuhet në reagim.
AGK ka shtuar se gjuha fyese dhe linçuese ndaj gazetarëve është e papranueshme.
“AGK-ja, e fton Bashkësinë Islame të Kosovës të distancohet nga gjuha që fton për mos durim fetar në Kosovë”, thuhet në reagim.
