Ish-kreu i AKI-së, Burim Ramadani, ka thënë se ura nuk hapet as kësaj herë.
Sipas tij, nuk do të ketë as hapje ure e as përafrim me NATO-n, duke shtuar se aktualisht ka vetëm acarim të raporteve me NATO-n.
Postimi i plotë:
Pas konfrontimit deklarativ me NATO-n, Ura mbetet dështim!
Fatkeqësisht, Ura nuk hapet kësaj here dhe ekzaltimit deklarativ duhet t’i vjen fundi.
Ministrat e deputetët mos të rrinë “nën Urë”! Të kthehen e të punonjë ndonjë gjë në këta muaj të mbetur!
Kur ata kapin ‘pajisjet’ për ta inspektuar Urën, bash në atë moment – për secilin që kupton gjë – u qartësua që komunikimi strategjik me NATO-n ka rënë në pikën më të ulët. Prandaj, s’ka gjë as kësaj here.
Fatkeqësisht, eksponentët e pushtetit (me sjelljet e tyre të papërgjegjshme!) më shumë ndikuan që Ura të mos hapet.
Përkatësisht, më shumë dëmtuan Kosovën.
As hapje Ure, as përafrim me NATO. Përkundrazi.
Acarim të raporteve me NATO-n pa arritur as të tentohet hapja e Urës.
Në vend se si njerëz me përgjegjësi shteti të udhëtonin për në Selinë e NATO-s e në kryeqendrat perëndimore, këta “udhëtuan” nën Urë për të mbetur simbolikisht “Ministra nën Urë”!
Nuk ka askush guxim që të hap Urën me zor.
Hiq e më hiq këta eksperimentalët politik që “inspektuan” Urën.
Dështimi për të arritur rezultatin e kërkuar me NATO-n është më i mirë sesa ndonjë veprim pa sens.
Ju ‘tupanxhinjtë’ qetësohuni.
Merrni frymë.
Ndaleni konfrontimin deklarativ me NATO-n/KFOR-in.
Kthejuni punës.
Duhet rinisje e idesë!
Me DIME:
D – Diplomacy
I – Information
M – Military/Rule of Law
E – Economy
