Kandidati për president të Amerikës Donald Trump është banor i Floridës dhe ky shtet i ndalon personat e dënuar për krime të votojnë.
Megjithatë ish-presidenti amerikan nuk do ta ketë këtë problem sot.
ADVERTISEMENT
Pavarësisht se ai është dënuar në Manhattan në fillim të këtij viti për 34 akuza, sipas ligjit të Floridës, nëse një person është dënuar nga një shtet tjetër, ai mund të votojë në Florida, shkruan CNN, përcjell teve1.info
Meqenëse Trump u dënua në një gjykatë të shtetit të Nju Jorkut, ai do të përfitojë nga një ligj i vitit 2021 që lejon njerëzit e dënuar për krime të votojnë për sa kohë që nuk janë duke vuajtur burgim në kohën e zgjedhjeve.
Trump është planifikuar të dënohet më 26 nëntor.
