Në një intervistë me Grida Dumën për “Top Story”, publicisti Veton Surroi foli për situatën politike në Kosovë.
Publicisti Veton Surroi: Jemi në nëntor, zgjedhjet janë në shkurt. Kemi një distancë mes pushtetit dhe opozitës. S’po flas për këtë pushtet por në përgjithësi, cilido pushtet do t’i vlente një opozitë më e fortë. ky është rasti në Shqipëri e Kosovë. Për fat të mirë për Kosovën opozita është e lirë, ka prani të jashtëzakonshme mediatike. Opozita dhe pushteti do ta kenë si detyrë ta identifikojnë mesazhin. Mesazhin se ne do ta ndërtojmë shtetin, do ta shtrijmë sovranitetin në tërë territorin e Kosovës. Është një mesazh që opozita s’ka pse merret me të.
Kjo qeveri me meritat e saj nuk ka lejuar zbrazësi institucionale dhe të sigurisë kur sfida ka qenë që ajo pjesë të shkëputet ose të vendoset në një administrim të veçantë. Për fat të keq ka pasur ide dhe nga Shqipëria, që ajo pjesë duhet vendosur nën kontroll të veçantë. Kanë qenë të tepruara ato insistime. Kemi arritur në një situatë më të mirë të presionit. Hapi i ardhshëm do jetë që në veri të ketë zgjedhje të lira. Në 4 komunat në veri të Kosovës nuk ka pasur zgjedhje të lira ndonjëherë.
Grida Duma: Presim rezultat në Distancë, në favor të Kurtit?
Surroi: Nuk i di shifrat, s’do mend. Nuk e di për koalicionin, ajo varet nga zgjedhjet. Matematika mbi ideologjitë.
