Eksperti i Politikave të Sigurisë dhe Gjeopolitikës, Ilir Kulla ka komentuar vendimin e Departamentit të Shtetit që ish-zëvendëskryeministri i Maqedonisë Veriore, Artan Grubi të futet në listë të zezë.
Kulla, ka thënë se shpreson që n Grubi të marrë një moment reflektimi dhe të kuptoj edhe dëmet që i ka bërë partisë së tij.
ADVERTISEMENT
“Me sa duket ka dal jashtë kontrollit sa ka qenë numërimi në ekzekutiv, se ndryshe nuk do të shpjegohej kjo gjë dhe ka dëmtuar partinë e tij politike. Në planin personal i uroj shumë fat atij dhe familjes së tij. Në planin politik dhe juridik shpresoj që ai të marrë një moment reflektimi dhe të kuptoj edhe dëmet që i ka bërë partisë së vet, pasi nuk po futet Artan Grubi në listën e zezë, por ish-zëvendëskryeministri i parë i Maqedonisë së Veriut, ku shqiptarët ishin më të rëndësishmit”, ka thënë Kulla në emisionin “MATRIX” në Tëvë1.
Në listën e re të publikuar nga SHBA, është edhe Enver Bexheti, gjyqtar për Gjykatën e Apelit të Maqedonisë së Veriut.
“Në bazë të nenit 7031(c), Departamenti i Shtetit cakton publikisht Artan Grubin dhe Enver Bexhetin për përfshirjen e tyre në korrupsion të konsiderueshëm duke pranuar ryshfet për të minuar proceset gjyqësore të lidhura me dënimin penal të Sasho Mijalkov, drejtor i Administratës për Siguri të Maqedonisë së Veriut dhe Kundërzbulimi (UBK). Mijalkov ishte caktuar në vitin 2022 për korrupsion të konsiderueshëm sipas nenit 7031(c), dhe OFAC e sanksionoi atë në bazë të OE 14033. Si pjesë e këtij veprimi, janë caktuar edhe anëtarët e ngushtë të familjes së Grubit”, thuhet në njoftim.
Grubi ka reaguar pas këtij vendimi ku ka shprehur gatishmërinë për të zbardhur plotësisht këtë çështje.
