Kreu i LDK-së, Lumir Abdixhiku, ka publikuar një video nga punimet në Qendrën Kryesore të Mjekësisë Familjare (QKMF) në Obiliq, ku ka thënë se detyrë e tyre është të punojnë për qytetarët dhe se beteja e tyre nuk është shtypja e mediave.
Ai thotë se frustrimi popullor nuk është dhe s’ka qenë asnjëherë vlerë e popullit të Kosovës, prandaj shton se përpjekjet e importuara për ngecje në urrejtje do t’i refuzojnë.
Postimi i Abdixhikut:
Vazhdojmë!
Beteja jonë nuk është shtypja e mediave. As instalimi i ndarjes e përçarjes mes njerëzve tanë. Frustrimi popullor nuk është dhe s’ka qenë asnjëherë vlerë e popullit të Kosovës; prandaj përpjekjet e importuara për ngecje në urrejtje do t’i refuzojmë!
Kemi kohë pak, e aq shumë punë përpara!
Prandaj, pas çerdhes në Lipjan, vazhdojmë sot me punimet e mëdha në Qendrën Kryesore të Mjekësisë Familjare (QKMF) në Obiliq. Shtim i hapësirave, shtim i kapaciteteve, shtim i shërbimeve – në mënyrë që kjo QKMF të ofrojë kujdes modern shëndetësor për secilin banorë në këtë qytet!
Sepse kemi punë.
Sepse Kosova ka aq shumë punë!
Sepse e ardhmja e jo përçarja, bën preokupimin tonë!
