Ish-ambasadorja Alma Lama tha në emisionin Balkan Talks në Euronews Albania se ndëshkimet ndaj qeverisë Kurti vetëm sa kanë filluar dhe janë manifestuar qartë nga SHBA dhe BE.
Lama u shpreh se, qeveria Kurti nuk ka më kontakte me administratën amerikane në vizita të nivelit të lartë dhe kjo ka nisur të aplikohet edhe nga BE.
“BE ka folur qartësisht çfarë e pret Kosovën lidhur me disa masa të karakterit ekonomik dhe politik.
SHBA e ka thënë qartë se nuk ka më vullnet të lobojë për njohje të Kosovës, kështu që nuk do të pengojë procesin çnjohjeve të Kosovës, pra nuk do t’i kundërvihet më Serbisë dhe Rusisë.
Anulimi i Defender 2023 ishte masa e parë. Kurti e ka sjellë SHBA dhe Evropën në një pozitë të vështirë pasi ata nuk kanë dëshirë ta ndëshkojnë Kosovën”, tha Lama.
