Kryeinspektori i Inspektoratit të Punës, Hekuran Nikçi është ndaluar për 48-orë me urdhër të Prokurorisë në Prishtinë, tha prokuroria në një njoftim për media.
E në lidhje me këtë është deklaruar avokati i tij, Arianit Koci.
Ai shpreh shqetësim për ndalimin e Nikçit dhe mënyrën e trajtimit të kësaj çështje, përcjell “Bota sot”.
Sipas tij, ky ndalim është i panëvojshëm dhe pabazuar.
Ndër tjera ai thotë se drejtësia duhet të mbetet e pavarur dhe e paanshme, pa u ndikuar nga faktorë politikë apo interesa të tjera.
Postimi i plotë
Deklaratë për Media
Si avokat i z. Hekuran Nikçi, shpreh shqetësimin tim për ndalimin e tij dhe mënyrën e trajtimit të kësaj çështjeje.
Ky ndalim është i panevojshëm dhe i pabazuar.
Z. Nikçi po hetohet pa prova konkrete për përgjegjësinë e tij penale, ndërsa mënyra se si po zhvillohet ky proces nuk i ngjan një hetimi të drejtë dhe ligjor.
Për më tepër, kjo është çështje e interpretimit juridik të veprimeve ligjore të palëve në një kontest administrativ.
Drejtësia duhet të mbetet e pavarur dhe e paanshme, pa u ndikuar nga faktorë politikë apo interesa të tjera.
Do të përdorim të gjitha mjetet ligjore për të mbrojtur të drejtat e z. Nikçi dhe për të siguruar një proces të drejtë dhe transparent.
Arianit Koci
Avokat i Hekuran Nikçit
