BRITANI E MADHE- Një hetim për vrasje ka nisur pas një aksidenti të ndodhur të shtunën e 30 korrikut në qytetin e vogël të Falkirk, në verilindje të Glasgows në Skoci. Si pasojë e përplasjes, Amy Rose Wilson humbi jetën ndërsa i dashuri i saj Ryan Paterson, u plagos pasi makina e tyre doli nga rruga dhe u aksidentua. Sipas “TheSun”, paraprakisht ka dyshime se aksidenti ndodhi pasi makina po ecte me shpejtësi pasi po ndiqej nga një makinë tjetër, e cila e ka detyruar të dalë nga rruga.
Dyshja u thanë miqve se po “ndiqeshin” nga njerëzit në një motor dhe madje e filmuan. Të shtunën, Vauxhall Vectra e çiftit u detyrua të dilte nga rruga në qytet pas kërcënimeve me vdekje nga dy banditë “shqiptarë” që drejtonin një Mercedes C-class. Shoferja Amy-Rose, e cila la pas një djalë të vogël, vdiq në vendngjarje ndërsa Ryan mbetet ende në spital.
Duke folur për ndjekjen e mëparshme në prill, ajo shkruante në rrjetet sociale: Unë e kam ngarë makinën normalisht, nuk më shqetësojnë sjelljet dhe lojërat e tyre fëminore. Ata do të mërziten dhe do të ikin.
Thuhet se tmerri i së shtunës lidhet me një borxh ndaj një bande shqiptare që merrej me trafik droge.
Një dëshmitar tha mbrëmë: Makina C-Class u shfaq dhe dy djem dolën jashtë. Njëri kishte një shkop ose diçka të ngjashme dhe ata u përpoqën të merrnin Ryan. Por ai u largua dhe u fut përsëri në makinë. Ata thyen dritaren anësore të shoferit ku edhe ndodhej Amy-Rose. Ata padyshim dukeshin europiano-lindorë, por flisnin anglisht. Dikush bërtiti, ‘Ti je i vdekur këtë herë’.
Amy-Rose, nga Falkirk, ka lindur në Neëcastle, por u zhvendos në veri me nënën e saj kur ishte rreth 12 vjeç. Ajo kishte një djalë gjashtë vjet më parë për të cilin kujdeseshin gjyshërit e tij.
Duke apeluar për dëshmitarë, inspektori detektiv Hazel Reid, i ekipit të hetimit kryesor të policisë Skoci, tha: Është e domosdoshme të gjurmojmë pasagjerët e Mercedesit që u larguan nga vendi i ngjarjes.
Kjo sepse ata besojnë se mjeti me shqiptarët i ka ndjekur sërish dhe ka shkaktuar aksidentin.
