Ish-ministri serb i Mbrojtjes, Millosh Vuçeviq, është mandatuar për formimin e Qeverisë së re të Serbisë. Ai aktualisht është edhe udhëheqës i Partisë Progresive Serbe (SNS) në pushtet.
Avokati serb, Çedomir Stojkoviq, ka thënë se arsyeja pse presidenti serb, Aleksandar Vuçiq, ka zgjedhur atë për kryeministër është përvoja e tij ushtarake, e cila do t’i duhet planit të Vuçiqit për përshkallëzimin e situatës në rajon. Sipas tij, përzgjedhja e tij u bë në koordinim me Moskën.
“Fusha e përshkallëzimit Serbia do të fokusohet në Bosnje dhe Hercegovinë. Në dhjetor 2023, kryeministri i emëruar sot pretendoi se Republika Srpska, Mali i Zi dhe Serbia do të jenë një shtëpi. Do të vazhdojë të punohet për të”, tha ai.
Ndërkaq, për Kosovën, Stojkoviq thotë se Vuçiq dhe Vuçeviq do të vazhdojnë planet për militarizimin e veriut.
“Aleksandar Vuçiq dhe kryeministri i ri i Serbisë betohen për Kosovën si pjesë e pandashme e Serbisë. Kjo do të thotë se Serbia nuk ka hequr dorë nga planet e saj për të militarizuar veriun e Kosovës dhe për të sfiduar sigurinë e qeverisë së Kosovës”.
Postimi i plotë i Stojkoviq në X:
Ju thashë para 4 muajsh se kush do të jetë kryeministri i ri i Serbisë.
Tani po ju them se çfarë do të thotë dhe çfarë na pret:
1️. Tensioni në Ballkan do të rritet. Sepse Serbia do t’i krijojë. Dhe do t’i krijojë sepse është nën pushtimin hibrid të Rusisë.
2. Prandaj Aleksandar Vuçiq emëroi ish-ministrin e Mbrojtjes si Kryeministër. Për të zbatuar përshkallëzimin, është e nevojshme që në krye të qeverisë të jetë dikush me përvojë të gjerë në fushën e sigurisë.
3️. Fusha e përshkallëzimit e Serbisë do të fokusohet në Bosnje dhe Hercegovinë. Në dhjetor 2023, kryeministri i emëruar sot pretendoi se Republika Srpska, Mali i Zi dhe Serbia do të jenë një shtëpi. Do të vazhdojë të punohet për të.
4️. Aleksandar Vuçiq dhe kryeministri i ri i Serbisë betohen për Kosovën si pjesë e pandashme e Serbisë. Kjo do të thotë se Serbia nuk ka hequr dorë nga planet e saj për të militarizuar veriun e Kosovës dhe për të sfiduar sigurinë e qeverisë së Kosovës.
5. Përshkallëzimi që do të krijojë kryeministri i ri i Serbisë me urdhër të Aleksandër Vuçiqit tashmë është koordinuar me Moskën.
6️. Kjo do të thotë se Beogradi do të presë për një ofensivë të re ruse në Ukrainë (dhe ndoshta një konflikt që tashmë është përgatitur nga Rusia në një pjesë tjetër të botës) dhe forcimin e kërcënimeve të ardhshme të sigurisë ndaj Ukrainës (ose konflikteve në një pjesë tjetër të botës për të cilën Moska i ka informuar tashmë), do ta përdorin si mbulesë për zbatimin e veprimeve të tyre në Ballkan. [Ky nuk është një supozim, por një kuptim i përdorimit logjik të taktikave]
7️. Serbia do të bëhet gjithnjë e më e izoluar. Aleksandar Vuçiq nuk ka asgjë kundër sepse beson se izolimi zgjat sundimin e tij (i izoluar është edhe Kim Jong Un). Ky izolim nuk do t’i ngjajë izolimit të viteve ’90 dhe as nuk do të ketë sanksione formale. Do të bëhet në izolim informal, gjë që në ekonominë e tregut të hapur dhe në Europën e shekullit të 21-të krijon pasoja të mëdha negative për vendin. Është izolim diplomatik, izolim investues, por edhe “izolim geto” – një situatë ku askush nuk dëshiron të bashkëpunojë me ty, sepse të trajton si jashtëzakonisht të keq.
