Avokati Ardian Bajraktari, beson se Kosova do të anëtarësohet në Këshillin e Evropës, pas miratimit të opinionit të Komitetin e Asamblesë Parlamentare të Këshillit të Evropës cili bënë thirrje që Kosova të pranohet në KiE, pa kushtet shtesë.
Ai vlerëson se procesi do të jetë sfidues, por që anëtarësimi do të ndodhë ai shprehet optimist.
Bajraktari ka thënë se Kosova do të përfitojë në aspektin politik por që përfitues do të jenë edhe qytetarët me anëtarësimin e vendin në KiE.
“Do të ketë përfitime në kuptimin polik dhe konsolidimin dhe forcimin e rolit dhe pozicionit ndërkombëtar të Republikës së Kosovës, sepse do të trajtohet e barabartë si gjitha shtetet tjera. Natyrisht do të hiqet fusnota … Përfitimet më të mëdha do të jenë në fushën e sundimit të ligjit, fushën e të drejtave të njeriut, sepse qytetarët e Kosovës do të kenë mundësi t’i drejtohen Gjykatës Evropiane për të Drejtat e Njeriut nëse vlerësojnë se i janë bërë padrejtësi”, ka thënë Bajraktari.
Avokati ka komentuar edhe letërn e dërguar nga krerët e shtetit për raportuesen për Kosovën në këtë këshill, ku zotohen për plotësimin e të gjitha kritereve përfshirë edhe formimin e Asociacionit pas anëtarësimit në Këshillin e Evropës.
Bajraktari ka thënë se letra është tentativë për tu paraqitur si shtet serioz.
“Tentativë e institucioneve të Kosovës për të dëshmuar se janë pretendent për të qenë shtet serioz për faktin se siç dihet se krahas vendimit për zbatimin e vendimit të Gjykatës Kushtetuese për Manastirin, është njëra prej obligimeve edhe pse nuk është eksplicite për anëtarësimin është reflektim i vendeve serioze, herët ose vonë Asociacioni duhet të formohet në bazë të aktvendimit të Gjykatës Kushtetuese”, ka thënë Bajraktari.
Opinioni i raportueses Bakoyannis në Komitetin për Çështje Politike dhe Demokraci të Këshillit të Evropës i cili rekomandon anëtarësimin e Kosovës në Këshillin e Evropës pa asnjë parakusht shtesë është miratuar të mërkurën në Komitetin e Asamblesë Parlamentare të KiE.
Pas miratimin në Komitetin e Asamblesë Parlamentare të KiE-së, votimi i opinionit do të shqyrtohet në sesionin e Asamblesë Parlamentare të Këshillit të Evropës, i cili do të mbahet në Strasburg në javën e 15 prillit.
Ndërsa, vendimi përfundimtar nga Këshilli i Ministrave në KiE do të mbahet në maj.
