Një aksident i rëndë automobilistik është shënuar mbrëmjen e së martës në Mestre, një provincë e Venezia në Itali.
Një autobus me pasagjerë doli nga rruga dhe ra mbi shinat e një hekurudhe aty pranë duke shpërthyer në flakë.
Mediat italiane raportojnë se të paktën 21 persona kanë humbur jetën, 2 prej të cilëve fëmijë, ndërsa dhjetëra të tjer janë plagosur.
Autobusi, i cili mësohet se ishte i linjës, ra nga të paktën 10 metra lartësi.
Në vendin e ngjarjes ndodhen shërbime të shumta zjarrfikëse, ambulanca dhe policia. Po ashtu, mediat fqinje shkruajnë se në gjendje gatishmërie janë vënë të gjitha spitalet që ndodhen pranë.
