Deputetja e LDK-së, Valentina Bunjaku, ka deklaruar se Partia Demokratike e Kosovës dhe Lëvizja Vetëvendosja “janë i njëjti brumë”.
Duke e komentuar dhunën në Kuvendin e Kosovëës, ajo tha se këto dy parti u përleshën për shkak se kanë mllef e inate me njëra – tjetrën.
“PDK dhe VV janë një brumë, interesat i kanë nda, kanë mllef e inate. Ishte çështje inati, por sjellja e Bislimit ishte e papranueshme… sjellja e ministrave ishte e papranueshme, arrogante, nuk i raportojnë deputetëve, në seanca bëjnë filma, i postojnë disa thënie në tik-toke të veta për popullizëm”, tha ajo.
Bunjaku e akuzoi kryeministrin e Kosovës, Albin Kurti ka ardhur në pushtet me kauza të rrejshme, teksa tha se Qeveria aktuale po merr vetëm veprime popullsite.
“Kjo qeveri është total qeveri e popullizmit. Gjithçka që po vepron po e bën për popullizmin, s’po gjen zgjidhje për qytetarët. Edhe në veri agjenda e tyre ka qenë e papranueshëm, ka rënë në grackën e Vuçiqit. Tani kemi sanksione situata po kthehet në zero”, tha ajo.
Sipas saj Qeveria aktuale po e kthen Kosovën 10 vite pas.
