Nënkryetarja e PDK-së, Vlora Çitaku, ka kritikuar kryeministrin Albin Kurti, i cili nuk po i dëgjon kërkesat e SHBA-së dhe BE-së në lidhje me çështjen e dinarit.
Ajo ka bërë me dije që në vend se kjo çështje të diskutohet me ShBA-të, tash do të diskutohet në Këshill të Sigurimit të OKB-së, ku do të pyetet edhe Rusia.
Sipas saj, kjo është një “autogol diplomatik”.
“Dinari përbën më pak se 2% të ekonomisë kosovare. Si simbol i Serbisë dhe institucioneve paralele duhet të hiqet, dhe askush nuk po e kundërshton Kurtin në këtë çështje – as opozita dhe as Ambasadat, por nevoja e tij për kriza, për kundërshtim ndaj aleatëve, për tendosje të situatës, po tregohet më e madhe se interesi nacional i Kosovës. Është turp që çështja e dinarit, por edhe të gjitha debatet tjera, në vend që të diskutohen në mes të Kosovës dhe Uashingtonit, tash po diskutohen në Këshillin e Sigurimit të OKB, ku edhe Rusia pyetet. Autogol diplomatik! Shfaqje e keqe teatrale nga Kurti!”, ka shkruar Çitaku.
