Nënkryetarja e PDK-së, Vlora Çitaku përmes një postimi në llogarinë e saj në rrjetin social, Facebook, tha se kryeministri Albin Kurti në një intervistë kishte ofenduar, sipas saj kryeministren e Italisë Meloni dhe zëvëndës kryeministrin Salvini.
Ajo është shprehur se kryeministri Kurti po jep intervista e po sillet si analist i pavarur.
“Imagjinojeni, Kryeministri i Kosovës jep intervista e sillet si analist i pavarur. Në një intervistë për mediumet italiane, sukseshëm paska arritur të fyej edhe Kryeministren e Italisë Meloni, dhe zv.Kryeministrin Salvini”.
“Nuk është detyrë e Kryeministrit të Kosovës t’iu bëjë analizë ideologjike zyrtarëve italianë. Aq më pak publikisht. Detyrë e tij është fuqizimi i raporteve të Kosovës me botën. Po kam dëshirë me besu që është ndonjë lëshim nga ana e gazetarit”, shkroi tutje Çitaku.
