Këto janë pamjet nga aksidenti i trefishtë i ndodhur ditën e sotme në Pogradec. Sic shihet në foto, makinat janë shkatërruar nga përplasja, ndërsa copat e automjeteve kanë përfunduar në rrugë.
Aksidenti ndodh rreth orës 10:00, në aksin rrugor “Pogradec-Qafë Thanë”, në afërsi të fshatit Udënisht.
6 persona kanë marrë lëndime nga aksidenti dhe ndodhen në spitalin e Pogradecit, aktualisht jashtë rrezikut për jetën.
Njoftimi i policisë:
Më datë 01.01.2024, rreth orës 10:00, në aksin rrugor “Pogradec-Qafë Thanë”, në afërsi të fshatit Udënisht, janë përplasur 3 automjete me drejtues shtetasit E. Q., Ch. R. dhe E. L.
Për pasojë kanë marrë lëndime 6 shtetas, të cilët ndodhen në spitalin e Pogradecit, aktualisht jashtë rrezikut për jetën.
Grupi hetimor po kryhen veprimet procedurale dhe po punon për zbardhjen e rrethanave të aksidentit.
