7
“Një shesh për Evropën” është një nga manifestimet më të fuqishme që pritet të mbahet në Romë ditën e shtunë 15 mars 2025.
Mitsotakis riorganizon kabinetin pas protestave të incidentit Tebi
Një manifestim për qytetarët, vlerat evropiane, larg binomit gjeopolitik Trump-Putin, që bashkon europianizmin civil, intelektualët, artistët, njerëzit që ndjehen ngushtë e të harruar, të frikësuar nga çdo ndodh mes dy superfuqive të botës.
Një manifestim me iniciator Michele Serra-n, një nga editorialistët më të mirë italianë. Me mijëra lexues e ndjekin cdo ditë siç ndodhi dhe me artikullin e tij të datës 10 shkurt me titull “Thoni diçka evropiane” ku i drejtohet partive të shprehin një opinion publik europeist që shkon përtej dyshes Trump-Putin e që politika nuk është vetëm takime e konferenca me xhaketa e kravata”.
Një lumë komentesh përfshiu këtë editorial me qindra qytetarë që kërkonin të mbushin një shesh, një rrugë, të ishin pjesë e një manifestimi ku të flitej e të ndjeheshin vetëm evropian.
E prej atij momenti gazetari Serra bëhet nismëtari i një iniciative që pritet të jetë nga më të fuqishmet në Itali, “Një shesh për Europën”. Vendtakimi Sheshi i Popullit Romë. ditën e shtunë 15 mars 2025.
Michele Serra mbërrin në konferencën e shtypit me përulje duke deklaruar se “do doja të isha aty në krahun tjetër, aty ku ndodheni gazetarët. “Aty është vendi im” thotë, E u gjenda këtu nga ana tjetër për një editorial që si kurrë më parë pati këtë mbështetje të fuqishme të lexuesve që kërkonin një manifestim vetëm e për Europën”.
Prej këtu lindi ideja e këtij manifestimi me mbështetjen e dhjetëra kryebashkiakëve të të gjitha krahëve politikë në Itali, shoqatave e intelektualëve dhe përtej kufijve.
Do të jetë një manifestim me një kriter unik pa flamuj politikë, vetëm flamuri blu evropian, pa liderë politikë e vetëm me praninë kryetarëve bashkiak si përfaqësues të komunitetit të qytetarëve.
Në podium nuk do të ketë asnjë eksponent politik e do t’iu rezervohet vetëm fjalës së artistëve, shkrimtarëve, refugjatëve politikë, vullnetarëve, të personave që do të shprehin se çfarë do të thotë për ta Evropa e çfarë i mungon kësaj Evrope”:
“Reagimi i njerëzve ndaj kësaj ideje ka qenë kaq empatik, emotiv, është reagim i njerëzve të lënë vetëm”, shprehet Serra.
“Qytetari ndjehet si një kokërr arre mes dy krahëve të arrë-thyeses njëra në lindje e tjera në perëndim.
E kush më pyet se çfarë platforme politike mbështet ky manifestim u them se është se “duam Evropën, europianët janë këtu e duan që të ketë më shumë Evropë për ta”.
“Do të jetë një shesh pluralist që më duket mjaft gjë e mirë e është një shesh që hedh pyetje e kërkon përgjigje nga Evropa”.
Kanë aderuar në këtë manifestim kryetarët e bashkive të qyteteve Roma, Milano, Napoli, Bologna, Firenze, Venezia, Palermo, etj.
Aktorët Antonio Albanese, Claudio Bisio, Luciana Litizzietto, artistë e këngëtarë si Giovanotti, Roberto Veçhioni, shkrimtari holandez Jan Brokken, shkrimtari spanjoll Javier Cercas, shkrimtarja afgane Rahel Saya, etj, etj.
Mitsotakis riorganizon kabinetin pas protestave të incidentit Tebi
“Ky manifestim është simptoma e një boshllëku krijuar nga politika”, thotë Serra, duhet të rinovojmë ndjenjat tona europeiste; liri, paqe e drejtësi sociale.”
Miche Serra thotë se nuk është lëvizje politike por një manifestim për qytetarët. E qytetarët janë zgjedhës e përcaktues të votës politike e qeverisë. E vështirë ta quash vetëm manifestim jo politik.
